Legjislacioni shqiptar i detyron të gjitha kompanitë private dhe publike të kenë skuadrat për Parandalimin dhe Mbrojtjen nga Zjarri, të cilët duhet të trajnohen dhe të pajisen me certifikatë. Në varësi të niveleve të riskut nga zjarri të kompanive kursi i trajnimit varion nga 8 në 16 orë mësimorë, ku përfshihet pjesa teorike dhe demonstrime praktike. Kursi ofron njohur bazë për: Ligjin shqiptar për mbrojtjen nga zjarri, mënyrën e funksionimit të skuadrave të emergjencës, mjetet e duhura për mbrojtjen nga zjarri & evakuimi sipas nivelit të riskut nga zjarri të kompanisë. Shkaqet kryesore të zjarrit; llojet e zjarreve, mbrojtja dhe procedurat e ndjekura në rast zjarri, aftësimi i anëtarëve të skuadrës së MNZ për rreziqet e zjarrit; ushtrime praktike për përdorimin e fikseve të zjarrit, sipas aktivitetit të kompanisë dhe nivelit të riskut të zjarrit. Kursantët e suksesshëm pajisen me certifikatë të licensuar.