Kuadri ligjor shqiptar i detyron të gjitha kompanitë private dhe publike të kenë skuadra të trajnuara për Ndihmën e Parë Mjekësore. Kursi i trajnimit zhvillohet nga mjekë ekspertë për ndihmën e shpejtë dhe urgjencat mjekësore, të cilët ofrojnë njohuri themelore teorike dhe praktike se si mund të ndihmohet i lënduari. Kursi përmban 16 orë mësimore të ndarë në 4 module i fokusuar në: njohuri teorike dhe zbatimin e masave të ndihmës së parë në praktikë. Njohja e një urgjence mjekësore: Vlerësimi i gjendjes psiko-fizike të të lënduarit, funksionet jetike si pulsi, presioni i gjakut, frymëmarrja, vetëdija etj, Njohuri themelore mbi anatominë dhe fiziologjinë e sistemeve kardio-vaskulare dhe respiratore, Njohuri bazë mbi traumat në vendet e punës dhe sëmundjet e veçanta në vendin e punës, Teknika për vetëmbrojtjen e personelit të përfshirë në shpëtim, Zbatimi i masave të ndihmës së parë: Mbajtja e funksioneve vitale si: pozicionimi i të lënduarit, normalizimi i frymëmarrjes, frymëmarrje artificiale, masazh i jashtëm kardiak. Njohja dhe kufizimet e ndihmës së parë dhe aftësimi për të kryer ndërhyrje praktike. Kursi përfundon me një testim me shkrim dhe kursantët e suksesshëm pajisen me certifikatë.